Referenzen

 

«Liebi Simone

Mir sind am Gate und wartet uf euse Flug nach Sardinien, wo mir de grossi Tag nomal Revue passiere la chönd und d Zit mitenand gnüsse.
Es ganz es riesigs Dankeschön für dini Red und dini chline Überraschige (de Raps ;-)) a eusere Zeremonie gester. Du hesch de wichtigsti Teil vo eusem Fescht so wunderbar persönlich, ifühlsam und herzlich gstaltet, dass eus immer no d Wort fehled zum eusi Emotione zbeschriebe. Mir hend au gspürt, dass eusi gest gfesslet sind gsi vo dine Wort und gwundrig dir zuegloset hend. Mir hend ganz viel positivi Rückmeldige übercho, wo mir die gern so witer gend. Mer gspürt vo Afang a, wie viel Herzbluet und Liedeschaft bi dir debi isch. Bhalt das unbedingt bi! So wirsch du no mengem Bruutpaar e unvergässlichi Zeremonie bereite wie eus gester. Mir wünsched dir für dini privati und brueflichi Zuekunft nume s Beschte.»

Angela & Michel, September 2017

 

«Lovely Simone

the only way to to great work is to love what you do! Bi dir händ mer vo Afang ah scho gmerkt, dass du liebsch, was du machsch. Bim Kännelerne häsch du eus grad überzügt und dini Red a oisem grosse Tag hät ois sowie au oisi Gäst begeistered. Mer händ sehr viel Kompliment becho für die tolli Zeremonie und die würdemer au gern dir wiiter gäh. Danke vielmal, dass du dezue bitreit häsch, dass oise Tag so unvergässlich gsi isch. Mer wünschet dir für dini Zuekunft ALLES Gueti und viel Erfolg! (& viel Orgasmen :-)). In Liebe»

Rebecca & Raffi, September 2017


 

«DANKE, dass du am Friitig so en wichtige Teil vo üsem Happy-Day gsi bisch. E Zeremonie so erfrischend und persönlich, wie ich sie mir bis da nur i mine schönste Troim usgmalt han. Tüüf dankbar & happy für all die wundervolle Moment a üsem unvergessliche Hochziit»

Daniela & Raffi, August 2017

 

«We were lucky enough to be Simone's first ceremony in English. She did an amazing job and the ceremony was incredibly personal and tailored to our love for one another.  We live in Australia and Simone regularly took time to Skype us, created a whatsapp group chat to get to know us and our story. Leading up to the big day, she was incredibly supportive and helped bring everythingtogether on the day! The little details that she incorporated to celebrate my swiss heritage and my partners Australian side were unique, creative and simply amazing! No other celebrant would go this extra mile for you to make you feel this special on your wedding day!  We can't thank you enough for the incredible ceremony that you have put together for us!»

Andrea & Joel, August 2017

 

«Liebi Simone
Mir sind immerno total überwälltigt wie schön euses Hochziit gsie isch. Eusi Zeremonie isch so wunderbar gsie und du bisch definitiv de Grund defür gsie. Mir sind so froh händ mir dich dörfe kännelgerne und häsch du mit eus uf eusi zweiti Hochziit gwartet. Öber bessers für eus hets nöd gäh. Au eusi Gäscht sind immerno total begeischteret. Danke dass du dir die Ziit gno häsch au bi de ganze Vorbereitige debi z sii, das hät eim grad namal es bessers Gfühl gäh. Mir werded no lang chöne a all die wunderschöne Moment zruggdänke, für eus isches eifach perfekt gsi. Dir wünsched mir vo Herze alles Gueti, wiiterhin viel Erfolg und viel Freud a dim Job. Mir chönd mit Sicherheit säge dass du die besti Wahl gsie bisch. Mit viel Liebi, Mirj & Dude»

Mirjam & Stephan, August 2017

 
«Hallo liebe Simone
Es war ein tolles Fest und die Trauung war auch ganz wundervoll, uns hat es super gut gefallen und ebenso auch nur positives Feedback von den Gästen gehört. Unser Fest hat uns mega gefallen, auch dank Deiner schönen und auch lustigen Trauung! Vielen Dank nochmals für Alles - wir waren sehr zufrieden mit deiner Rede! Den Leuten hat es auch mega Freude gemacht, es hätte einfach alles gepasst (...).»
Claudia & Christian, Juni 2017
 

«Liebi Simone, du hesch euse Tag perfekt gmacht! Mir sind unglaublich glücklich, dass mir dich als Traurednerin gha hend. Es isch genial, überraschend, wunderschön und lustig gsi... Viele <3-liche Dank! »

Angelika & Fabian, Juni 2017

 

«Liebi Simone
Mir sind es bizli spat dra, aber besser spat als nie :-)
Mir hend dir au namal für dini superschön Trauig welle dankä sege. Es het eus sehr viel bedütet. Du hesches genau so troffe, wie mir eus das vorgstellt hend, es isch emotional gsi, und trotzdem hets immer mal wieder was zum schmunzlä gä!
Mir verdankeds au mitunder dir, dass mir de tag so hend chöne gnüsse, da mir eus voll hend chöne uf dich verlah. Nebst dem, hend mir dich au als Simone super sympathisch gfunde und findets schön dich kenneglernt zha. Wer weiss, vilicht lauft mer sich ja mal wider über de Weg :-)
Übrigens sind au eusi Gäst sehr vo dir begeistered gsi. Het viel positivi Rückmeldige gä.
Jedefalls wünsched mir dir alles Gueti und na ganz vil schöni Hochzite.

Liebi Grüess»

Dominique & Mario, Juni 2017

 

«Liebi Simone
Au hüt simmer no hin und weg vo dir und dinere Trauuig! Für eus isch sie eifach perfekt gsi und mir sind sooo happy dass mir dich händ dörfe debii ha! Du häsch für Lacher und für Tränli gsorged und du häsch eus und alli eusi Gäst eifach umghaue mit dinere warmherzige, lustige und unglaublich sympathische Art. Eusi Liebesgschicht häsch eis zu eis wieder gäh und mir sind dir vo ganzem Herze soooo fest dankbar!! Mir wünsched dir vo Herze nur s'Bescht, all dini zuekünftige Paar chönd sich wahnsinnig glücklich schätze dich z'haa!!»

Patrizia & Michi, Mai 2017

 

«Liebi Simone
Mer chöne ned in Wort fasse wie unglaublech dankbar mer der send für die traumhafti Trauuig. Mer hend vo vellne Gäscht ghört, dass es die schönscht Zeremonie xi esch, wo sie je erläbt händ. Danke.»

Selina & Mathias, Mai 2017

 

«Herzlichen Dank für deinen Einsatz vor und während der Hochzeit. Jedes Mal, wenn ich das Salz benütze, denke ich an deine Worte während der schönen

Trauung zurück.»

Sibylle und Andreas, Mai 2017

 
 
 

«Liebi Simi
Euses Fest isch verbi aber d Erinnerige werded blibe. D Zeremonie als Herzstuck vo eusem Tag hät eus überwältigt. Äs hät eus so viel bedütet, dass du eusi Trauig gmacht häsch und mir dadurch sone persönlichi und emotoionali Zeremonie händ dörfe erlebe. Für din Isatz, dini Hiigab und dini Freud wo du da dri gsteckt häsch danked mir dir vo Herze. Grossi Umarmig»

Claudia & Marcel, Oktober 2016

«Liebe Simone

Gerne wollen wir dir auch noch auf diesem Weg DANKE sagen! Du hast unserem besonderen Tag das i-Tüpfelchen aufgesetzt!
Du hast mit deiner Traurede genau ins Schwarze getroffen und wir haben uns beide zu 100% wiedererkannt! Wir haben gelacht und geweint - es war genau so, wie wir es uns erträumt haben! Auch dein persönliches Geschenk hat genau zur Zeremonie und zu uns gepasst und in unserer Wohnung bereits einen Ehrenplatz erhalten. Das war eine tolle Überraschung!  Danke für deine tolle Arbeit und dein Einfühlungsvermögen! Würden wir noch einmal heiraten, würden wir wieder dich als unsere Traurednerin wählen.»

Riley & Nico, Oktober 2016

«Vielen Dank für Deine lieben Worte. Wir konnten einen unvergesslichen Tag geniessen, der nicht besser hätte sein können. Wir sind beide immer noch geflashed von all den Eindrücken und Emotionen unserer Hochzeitstage. Ebenfalls möchten wir uns nochmals für Deine Zeremonie bedanken. Sie hat uns echt super gut gefallen und wird uns ewig (exkl. im Falle von Alzheimer) in bester Erinnerung bleiben. Ebenfalls haben wir sehr viele positive Rückmeldungen von den Gästen erhalten, inkl. der Aussage "die schönste Trauung, die ich je gesehen habe" - Du scheinst wohl Eindruck gemacht zu haben ;-)»

Christiane & Marco, September 2016

 

Janine & Matthias, Mai 2016

 

«Liebe Simone
Vielen lieben Dank, dass du uns so ein tolles Geschenk mit deiner Rede bereitet hast. Es war noch viel schöner als wir es uns vorgestellt haben. Ein unvergessliches Ereignis, dass uns sehr berührt hat. Wir freuen uns auf ein baldiges Wiedersehen und wünschen alles Gute für eure Familie.»

Julia & Harald, Juni 2015